Entry 10: Nasuga Beach Resort

Naghahanap ka ba ng lugar kung saan pwede kang mag pahinga at magsaya kasama ang kaibigan at pamilya? Paborito mo ba ang dagat? Gusto mo bang masaksihan ang paglubog ng araw sa tabing dagat?

Magtampisaw na sa Nasuga Beach Resort!

Isang maganda at perpektong lugar na nag-aantay sayo. Makikita mo palang ang asul na tubig mahihikayat kanang magtampisaw. Masarap sa pakiramdam at mag-aliw sa lugar na may sariwang hangin na nanunuot sa balat. Nakakaaliw sa mata ang magarang tanawin sa buong karagatan lalo na ang  paghampas ng alon sa buhangin. Napakapayapa at kaaya-ayang lugar sa mga taong gustong maligo at mag-aliw sa tubig dagat.

Maraming kaaya-ayang lugar o paliguan ang maaaring pagpilian o puntahan pero ang lugar na ito ay isa sa magagandang paliguan na aming napuntahan. Ang Nasuga Beach Resort ay matatagpuan sa Manapa, Buenavista, Agusan Del Norte. Ito ay may 30 pesos lang na halaga upang makapasok. Hindi pa ito gaanong natapos pero maganda at kaaya-aya na itong tingnan. Kung hindi mo ramdam ang magtampisaw sa tubig dagat meron namang swimming pool na pwede mong pagtampisawan

Hindi mo talaga maipagkaligta ang kagandahan at mapayapang lugar na ito, makapagpahinga ka ng maayos at maaaliw ng husto sa iyong pagtatampisaw.

Entry 9: Magellan's Anchorage

Ang Magellan's Anchorage ay isa sa mga makasaysayang lugar sa Butuan na kung saan dinadarayo ng karamihan. Pinaniniwalaan na dito unang lumapag si Magellan at nakipagdigmaan kay Raja Siaiu.

Ito ay kilala ng karamihan dahil isa ito sa makasaysayang pangyayari sa ating bansa. Pinangalanan ang lugar na ito na Masao galing sa salitang ‘masawa’. Ang ‘Masawa’ ay nangangahulugang ‘maliwanag’ sa Butuanon, ang tanging wika sa Pilipinas na naglalaman na salita.

Kay sarap sa pakiramdam kung kasama mo ang iyong pamilya o kaibigan sa pamamasyal dito. Nakailang balik na kami at hindi talaga ito nakakasawang balik-balikan dahil sa napakagandang tanawin. Bukod sa Magellan’s Anchorage, makikita rin dito ang malawak na karagatan na halos kinahihiligan ng pamilya na magbonding tuwing may espesyal na okasyon.

Entry 8: Halo-halo

Sa gitna ng init, ito ang magbibigay sayo ng lamig. Kasing lamig ng inyong relasyon.

Ang halo-halo ang pinakasikat na pangmeryenda sa Pilipinas. Ito ay may pinaghalong ginadgad na yelo, gatas, ice cream at may iba’t ibang sahog na nakalagay sa isang mataas na baso. Ilan sa mga sahog ng halo-halo ay gulaman, beans at saka mais. Mayroon itong iba't ibang flavor ng ice cream.

Masasabi naming na ang halo-halo ay pampapawi ng pagod. Nagbibigay ng kasiyahan at kasiglahan. Larawan pa lang, nakakaakit na pa’no pa kaya kug natikman na. Di mo talaga pagsisihan kug iyong sususbukan. Pag natikman mo na, di mo na maayawan pa.

“Sa bawat pagsubo, lasap na lasap ang tunay na sarap.”

Entry 7: Paglubog ng Araw

Kay sarap pagmasdan ang unti-unting paglubog ng araw sa gitna ng dagat. Ang paglubog ng araw ay nagpapatunay na hindi lahat ng wakas ay may hatid na kalungkutan.

Ang dagat na kay sarap tingnan

Hatid nito’y kapayapaan.

Sa bawat paglubog ng araw,

Kasabay sa pamamaalam ng mga alaala ng kahapon.

Ang dagat ang saksi ng ating pagmamahalan,

Na akala ko’y magtatagal ng walang hanggan.

Sa dagat kung saan nagsimula ang lahat,

Kaligayahan at pagmamahalan na ‘di masukat.

Sa bawat hampas ng alon,

Kay sarap balikan ng mga masasayang alaala na dulot ng kahapon.

Sa bawat paglubog ng araw,

Nais kong kapiling ay ikaw.

“Kung saan nagsimula, doon din magtatapos.”

Entry 6: El Monte De Vida (Holy Cross)

Naghahanap ka ba ng lugar na pwedeng pagnilay-nilayan? gusto mo bang pumunta at magmuni-muni sa lugar na may sariwang hangin at mapayapang paligid? 

Arat na sa El Monte De Vida (Holy Cross)





Ang lugar na ito ay matatagpuan sa 3.5 km. Manlangit, Alubijid, Buenavista, Agusan Del Norte. Sa pagpunta namin dito, sumakay kami ng tricycle papunta sa itaas, tapos pagkarating namin doon may mga hagdanan patungo sa tuktok nito kung saan makikita mo ang buong tanawin sa lungsod.

 Tinagurian ang lugar na ito na sagrado, dahil hindi lang basta-bastang pasyalan ito kundi maari ka ring mananampalataya o magdasal dito.

Isang napakamapayapang lugar na magandang pasyalan kasama ang pamilya o kaibigan. Masarap sa mata ang magarang tanawin ng buong lungsod dahil kitang- kita mo ang kabuohan nito.napakasariwa ng hangin dahil sa mga punong nakapalibot sa buong paligid. Kapag nasa tuktok kana sa lugar na ito napapawi talaga ang iyong lungkot at pagod na nararamdaman dahil sa matiwasay na kapaligiran.

Kaya ano pang hinihintay nyo, arat na! 

PAALALA: Kung ayaw nyong maglakad pauwi, magdala ng 
                     sariling sasakyan.